Pse nuk ka polici komunale Prishtina 7 vjet pas ligjit të 2018-s?
Opinionisti Agon Maliqi kritikon Ministrinë e Brendshme që nuk ka hartuar asnjë udhëzim administrativ për funksionalizimin e policisë komunale të kryeqytetit.
Redaksia ZHURMA · · Përditësuar · 1 min lexim
PRISHTINË — Në kontekst të premtimeve zgjedhore për krijimin e xhandarmërisë për kufirin Kosovë–Serbi, opinionisti Agon Maliqi ka vënë në dukje një mangësi tjetër të sigurisë në kryeqytet. Sipas tij, krijimi i xhandarmërisë i takon ekspertëve të sigurisë ta vlerësojnë, por çdo qytetar i Prishtinës e di se kryeqyteti ka nevojë për polici komunale.
Maliqi shkruan se kjo policë do të merrej ekskluzivisht me shkeljet e rregulloreve lokale: trafik, zhurmë, ndërtim, uzurpim hapësirash publike, ndotje dhe probleme të tjera. Ligji për kryeqytetin, i miratuar në vitin 2018, parasheh krijimin e saj, por Ministria e Brendshme nuk e ka bërë asnjë udhëzim administrativ për ta funksionalizuar.
"Kaq sa i përket interesimit të nivelit qendror për Prishtinën", përfundon Maliqi.
Burim: Zëri
— Redaksia ZHURMA
