Malësia e Krujës përfshihet nga flakët; kërkohet ndërhyrje ajrore

KRUJË — Një vatër e re zjarri është shfaqur në zonën ndërmjet Kroit të Madh dhe fshatit Çudhë, ku flakët kanë djegur sipërfaqe të mëdha me shkurre dhe pemë të ndryshme. Përhapja e shpejtë e flakëve po nxitet nga era, ndërsa përdorimi i mjeteve zjarrfikëse nga toka rezulton i pamundur për shkak të terrenit të vështirë të zonës. Banorët kanë kërkuar ndërhyrjen nga ajri si mundësinë e vetme për të ndalur vatrën që vijon të zgjerohet.