Maldini Kaçurri shënon në Kupën FA dhe kalon turin me penallti
Mbrojtësi shqiptar shënoi me kokë për Grimsbin, ndërsa skuadra e tij fitoi në penallti dhe siguroi kalimin në turin tjetër të turneut.
Redaksia ZHURMA · · 1 min lexim
Mbrojtësi Maldini Kaçurri ka lënë gjurmë në ndeshjen që skuadra e tij Grimsbi luajti në transfertë ndaj Staford në Kupën FA. Edhe pse luan në prapavijë, ai ka treguar aftësi edhe në fazën sulmuese, duke i dalë në ndihmë skuadrës në një goditje standarde në pjesën e dytë. Me një gjuajtje me kokë, ai barazoi shifrat në 2-2, pasi skuadra e tij ndodhej në disavantazh prej një e dy.
Përballja prodhoi gjashtë gola gjatë kohës së rregullt dhe shtesave, duke u mbyllur me rezultatin 3-3. Më pas, skuadra e Kaçurrit u tregua më e saktë nga pika e bardhë e penalltive, duke fituar 3-2 dhe duke siguruar kualifikimin në turin tjetër të turneut më të vjetër në botë. Ky paraqitje vjen në një moment të rëndësishëm për lojtarin, i cili është ftuar nga trajneri Alban Bushi për miqësoret e Kombëtares U21 në muajin nëntor. Më parë, Kaçurri ka qenë pjesë e grumbullimeve të Kombëtares A dhe ka regjistruar një debutim në ndeshjen miqësore kundër Gjibraltarit nën drejtimin e trajnerit Silvinjo.
