Lutfi Dalipi: Kosova dhe Shqipëria më kanë kontaktuar, vij me Zvicrën U21
Futbollisti i Vaduzit thotë se dy federatat shqiptare e kanë kërkuar, por zgjedh të vazhdojë me grupmoshat e Zvicrës.
Lutfi Dalipi, sulmuesi i Vaduzit me origjinë nga Presheva, ka treguar se është kontaktuar nga federatat e Kosovës dhe të Shqipërisë për të luajë me kombëtaret e tyre. Megjithatë, ai ka vendosur të mbetë për momentin me përfaqësuesen U21 të Zvicrës.
Në sezonin aktual Dalipi ka realizuar tre gola dhe shtatë asistime me Vaduzin, pasi u huazua nga Young Boys. Ai përshkruan kalimin si «rrugë ideale» dhe thekson mbështetjen e familjes.
«Më kanë kontaktuar Shqipëria dhe Kosova. Për momentin synoj të luaj me Zvicrën U21, ndërsa më vonë do ta shohim se çfarë do të ndodhë», tha lojtari për media zvicerane. Dalipi shtoi se dëshiron të ruajë qetësinë dhe të vazhdojë formën e mirë para se të marrë vendim përfundimtar.