Klube evropiane vëzhgojnë Lutfi Dalipin pas vendimit për Kosovën

Talenti 20-vjeçar Lutfi Dalipi po kalon një sezon të jashtëzakonshëm me Vaduzin, duke regjistruar gjashtë gola dhe nëntë asistime në 16 paraqitje në të gjitha garat. Produkti i akademisë së Young Boysit, i cili është i huazuar te Vaduzi dhe ka kontratë deri në vitin 2030, ka tërhequr vëmendjen e klubeve evropiane si RB Leipzig, Fiorentina, Real Betis dhe SC Braga, të cilat e kanë ndjekur përmes përfaqësuesve të tyre. Siç raportoi Zhurma më 12 nëntor 2026, Lutfi Dalipi refuzon Zvicrën e Shqipërisë dhe zgjedh Kombëtaren e Kosovës, ndërsa tani mesfushori me prejardhje nga Presheva pritet të ndjekë nga afër ndeshjen e Kosovës ndaj Izraelit në stadiumin „Fadil Vokrri“.

Vlera e tij në treg llogaritet rreth dy milionë euro, ndërsa dëshira e lojtarit është që fillimisht të përfundojë sezonin aktual me skuadrën e tij dhe më pas të vendosë për të ardhmen. Nëse procedurat përkatëse përmbyllen me sukses, 20-vjeçari pritet të vihet në dispozicion të përzgjedhësit Franco Foda nga muaji mars i vitit të ardhshëm, kur edhe nisen kualifikimet për Kampionatin Evropian.