Lojërat sportive në Gjakovë nderojnë policët e rënë në detyrë

GJAKOVË — Sindikata e Policisë së Kosovës organizoi më 23 tetor Lojërat Sportive Tradicionale në Qendrën Sportive «Shani Nushi» në Gjakovë, në nderim dhe përkujtim të zyrtarëve policorë që kanë rënë në krye të detyrës zyrtare.

Sipas njoftimit të Sindikatës, në ceremoninë e hapjes morën pjesë përfaqësues të lartë të institucioneve vendore, stafi menaxhues i Policisë, familjarë të policëve të rënë, si dhe përfaqësues të sindikatave policore nga rajoni dhe më gjerë. Aktiviteti u ideua që ekipe të ndryshme sportive të garojnë në disiplinat e parapara, duke e shndërruar organizimin në një mundësi për të nderuar kujtimin e zyrtarëve që humbën jetën gjatë shërbimit ndaj vendit, ndërsa media u ftua për ta përcjellë ngjarjen.