Llogaria e Thaçit rikthen postimin e vjetër për Kombëtaren
Llogaria e ish-presidentit të Kosovës ka rikthyer një mesazh mbështetës për Kombëtaren, teksa u zhvillua ndeshja kundër Izraelit.
Redaksia ZHURMA · · Përditësuar · 1 min lexim
Llogaria e ish-presidentit të Kosovës, Hashim Thaçi, ka rikthyer një postim të publikuar më 14 nëntor 2019, ku shprehej mbështetja dhe krenaria për Kombëtaren e Kosovës. Asokohe, ai kishte vlerësuar futbollistët për emocionet që i kishin dhuruar vendit pavarësisht rezultateve. «Në humbje dhe fitore, me ose pa pikë, të kualifikuar apo jo, ju na keni dhënë shumë emocione, shumë krenari. Jeni heronjtë tanë. Jeni shpresa jonë! HTH», thuhej në atë mesazh.
Rikthimi i këtij postimi vjen në ditën kur Kosova luajti kundër Izraelit në stadiumin «Fadil Vokrri», një ndeshje e vlefshme për Ligën e Kombeve. Ndeshja, e cila u shoqërua me raste të krijuara, u mbyll përfundimisht me barazimin 0-0.