Pse kritikon Levica heshtjen e Qeverisë së Maqedonisë për propozimin e Merz?

SHKUP — Partia politike Levica ka shprehur shqetësim serioz për mungesën e një qëndrimi zyrtar nga Ministria e Punëve të Jashtme dhe Tregtisë së Jashtme të Maqedonisë së Veriut lidhur me dokumentin joformal të kancelarit gjerman Fridrih Merz mbi anëtarësimin e vendit në BE.

"E Majta" vlerëson se heshtja institucionale lë përshtypjen e pasivitetit politik në një moment diplomatik jashtëzakonisht të ndjeshëm. Sipas partisë, Qeveria e OBRM-PDUKM-së nuk ka dhënë asnjë përgjigje zyrtare ndaj propozimeve të udhëheqësve të lartë të BE-së.

"Formati no-paper nga natyra e tij lë hapësirë për kundërpropozime, pozicione negociuese dhe komunikim aktiv diplomatik. Mungesa e një qasje të tillë përfaqëson një mundësi të humbur", thonë nga Levica.

Burim: Telegrafi
— Redaksia ZHURMA