Kush po kërkon shkarkimin e Lumir Abdixhikut nga kryetaria e LDK-së?
Iniciativa për thirrjen e kuvendit të jashtëzakonshëm po udhëhiqet nga Gazmend Muhaxheri, kryetari i degës së LDK-së në Pejë.
PRISHTINË — Një grup delegatësh të Lidhjes Demokratike të Kosovës kanë nisur mbledhjen e nënshkrimeve për thirrjen e një kuvendi të jashtëzakonshëm, ku synohet kërkesa për shkarkimin e kryetarit Lumir Abdixhiku. Kjo lëvizje vjen si pasojë e rezultatit të konsideruar si jo i mirë në zgjedhjet e fundit, duke thelluar krizën e brendshme në strukturat e kësaj partie.
Proçesi po udhëhiqet nga Gazmend Muhaxheri, kryetari i degës së LDK-së në Pejë dhe njëkohësisht kryetari i kësaj komune. Burime të informuara raportojnë se deri më tani janë siguruar të paktën një e treta e nënshkrimeve të nevojshme, me shifra që lëvizin rreth 150 nënshkrime, ndërsa pretendohet se numri final do të kalojë 200.
Për të thirrur mbledhjen e jashtëzakonshme, kërkohet nënshkrimi i një të tretës së delegatëve të Kuvendit të LDK-së. Duke qenë se gjithsej janë 355 delegatë, numri i nënshkrimeve që po mblidhen që të mërkurën konsiderohet i mjaftueshëm për të çuar kryetarin aktual para votëbesimit të delegatëve.
Presioni ndaj Abdixhikut është rritur gradualisht, duke nisur me kërkesat e Degës së Pejës për reflektim politik dhe marrje përgjegjësie. Kjo situacion tregon se pavarësisht përpjekjeve për një të ashtuquajtur Bashkim të së djathtës, mospajtimet e brendshme po çojnë drejt një ndryshimi të mundshëm në kryesimin e LDK-së.
Burim: Insajderi
— Redaksia ZHURMA