Latifi: Abdixhiku do t'i ndëshkojë ata që kërkuan shkarkimin e tij
Analisti deklaroi në emisionin Pressing se kryetari i LDK-së do të hakmerret duke ua kufizuar hapësirën politike derisa të mbesin jashtë partisë.
PRISHTINË — Analisti politik Blerim Latifi ka deklaruar në emisionin "Pressing" në T7 se kryetari i LDK-së, pasi i mbijetoi votëbesimit për shkarkim, ka përpara vetëm dy rrugë. Sipas tij, Lumir Abdixhiku ka si opsion faljen ose ndëshkimin e atij grupi që kërkoi largimin e tij nga drejtimi i partisë.
Latifi vlerëson se, duke u nisur nga mentaliteti politik në Kosovë dhe Ballkan, Abdixhiku do të zgjedhë ndëshkimin e tyre. Ky ndëshkim, sipas analistit, do të realizohet duke ua kufizuar hapësirën politike brenda strukturave derisa ata ta shohin veten plotësisht jashtë partisë.
Burim: Epoka e Re
— Redaksia ZHURMA