Ku hyjnë deputetët e PS tani që Kuvendi është rrethuar me gardhe?
Deputetët e Partisë Socialiste po përdorin hyrjen anësore pranë Akademisë së Shkencave për të hyrë në seancën plenare të sotme.
TIRANË — Deputetët e Partisë Socialiste po hyjnë në ambientet e Parlamentit përmes hyrjes anësore në krahun e Akademisë së Shkencave, pasi i gjithë perimetri i godinës së Kuvendit është rrethuar me gardh metalik. Masat e sigurisë u morën përpara seancës plenare të sotme, ndërsa hyrja kryesore mbetet e bllokuar nga gardhet.
Kjo vendosje vjen pas incidenteve të së enjtes, kur përplasjet mes protestuesve dhe policisë përfunduan me 20 persona të shoqëruar në komisariat. Gjatë protestës, disa deputetë u goditën me vezë, ndërsa policia përdori spray lotsjellës për të ndaluar tentativat për hyrje të detyruar, duke lënë të plagosur 9 efektivë dhe 5 protestues.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.