Çfarë tha Kurti për çlirimtarët që korruptojnë në tubimin me mërgimtarë?
Në tubim me mërgimtarë në Zvicër, Albin Kurti thotë se kontributi për pavarësi nuk është leje për pasurim personal.
ZVICËR — Kandidati për kryeministër nga Lëvizja Vetëvendosje, Albin Kurti, gjatë një tubimi me mërgimtarë në Zvicër, ka theksuar se kontributi për çlirimin dhe pavarësinë e Kosovës nuk mund të përdoret si justifikim për korrupsion apo pasurim personal.
“Kemi respekt për të gjithë ata që sakrifikuan e kontribuan për çlirimin e Kosovës, bashkimin e për pavarësinë e Republikës. Mirëpo, çfarëdo kontributi nuk është leje për korrupsion e për pasurim”, tha Kurti. Ai shtoi se patriotizmi dhe korrupsioni nuk mund të bashkëjetojnë: “Nuk ka edhe patriot edhe hajn. Ose patriot, ose hajn. Nuk ka edhe çlirimtar, edhe zullumqar.”
Pa përmendur emra, Kurti kritikoi disa ish-udhëheqës të pasluftës, duke thënë se “pushimi” nga angazhimi patriotik është shndërruar në korrupsion. Sipas tij, patriotizmi duhet të jetë i vazhdueshëm dhe demokratik.
Burim: Zëri
— Redaksia ZHURMA