Kurti u premton mbështetje ndërmarrësve nga mërgata për investime në Kosovë

Kryeministri i Kosovës, Albin Kurti, u takua të dielën në Paris me pjesëtarë të mërgatës shqiptare, ku u premtoi ndërmarrësve nga diaspora mbështetje shtetërore për investimet e tyre në Kosovë. Mbështetja do të realizohet përmes mekanizmit «Dritarja për Investime të Diasporës» dhe Programit 1 Miliard Euro për prodhim dhe industri.

Gjatë vizitës zyrtare në Francë, Kurti ka nisur qëndrimin e tij në kryeqendrën franceze për të marrë pjesë në Forumin e Paqes. Para nisjes së këtij forumi, ai zhvilloi takimin me bashkatdhetarët për të diskutuar rreth përfshirjes së tyre më të madhe në jetën publike, institucionale dhe ekonomike në Kosovë.

Përfshirja e gjerë e diasporës i shërben forcimit të institucioneve të Republikës përmes përvojës, ekspertizës dhe kulturës së punës nga shtetet e zhvilluara, njoftoi kryeministri Kurti. Lidhur me lehtësimin e financimit, shteti i Kosovës do të jetë garant për kreditë që marrin ndërmarrësit nga mërgata për investimet e realizuara në vend, duke shërbyer si hipotekë për ta, sipas Kurtit. Kryeministri deklaroi se përmes këtij hapi mërgata lëviz drejt kapërcimit nga sakrifica për të kontribuuar në investim për të fituar. Përveç kësaj, Kurti bëri të ditur se Programi 1 Miliard Euro për prodhim dhe industri do të mbështesë projektet strategjike dhe prioritare të sektorit industrial.

Takimi u zhvillua të dielën në Paris, ndërsa Kurti përfaqëson Kosovën në punimet e napërtme të Forumit të Paqes.

«Nëpërmjet “Dritares për Investime të Diasporës” do të mbështeten ndërmarrës nga mërgata për investime që realizohen në Kosovë. Për kreditë që merren për investimet e tyre, shteti ynë do të jetë garant, duke shërbyer si hipotekë për ta. Kësisoj mërgata lëvizë drejt kapërcimit nga sakrifica për të kontribuuar në investim për të fituar. Ndërkaq, me Programin 1 Miliard Euro për prodhim dhe industri do të mbështeten projektet strategjike dhe prioritare të industrisë» – tha Kurti.