Kurti takon shkrimtarët Hicks dhe Vergès në Prishtinë
Çfarë diskutuan kuratori i Oxfordit dhe aktivisten feministe me kryeministrin në detyrë?
PRISHTINË — Kryeministri në detyrë Albin Kurti priti sot shkrimtarët dhe kuratorët Dan Hicks dhe Françoise Vergès, të shoqëruar nga studiuesja letrare Diona Budima. Takimi vjen një ditë pas diskutimit të tyre në Bibliotekën Kombëtare të Kosovës "Pjetër Bogdani", të mbajtur më 10 qershor në kuadër të programit "Në bisedë".
Hicks është profesor i arkeologjisë bashkëkohore në University of Oxford dhe kurator në Pitt Rivers Museum. Për tri dekada ai ka hulumtuar kulturën materiale dhe vizuale të së kaluarës njerëzore, duke përfshirë botët moderne, koloniale, bashkëkohore dhe digjitale.
Vergès, nga ana tjetër, është aktiviste feministe, shkrimtare, kuratore e pavarur dhe edukatore publike. Ajo është autore e një numri të madh librash e botimesh. Të dy përgjatë viteve kanë artikuluar mendime të guximshme dhe të mprehta për muzeun, monumentin dhe institucionet kulturore të modernitetit.
Kurti i uroi Hicks dhe Vergës për diskutimin e moderuar nga Budima, duke vënë në pah rëndësinë e bashkëpunimit kulturor ndërkombëtar për skenën intelektuale të Kosovës.
Burim: Ekonomia Online
— Redaksia ZHURMA
