Çfarë premtoi Kurti pas rezultateve paraprake të zgjedhjeve?

PRISHTINË — Kryeministri në detyrë Albin Kurti u shfaq para mbështetësve në sheshin “Skënderbeu” pas publikimit të rezultateve paraprake të zgjedhjeve, duke deklaruar se qytetarët kanë te Lëvizja Vetëvendosje “garancinë e mirëqeverisjes”.

“Të jeni të sigurt se te LVV-ja e keni garancinë e mirëqeverisjes dhe shteti si Republikë është në duar të sigurta. Unë jam kryeministri juaj, herë kryeministër në detyrë e herë detyrë në kryeministër”, tha Kurti.

Ai paralajmëroi komunikim me të gjitha subjektet politike “në javët në vijim”, duke e lidhur gatishmërinë për bashkëpunim me “interesin publik, vullnetin e përgjithshëm dhe Republikën sovrane e të pavarur të Kosovës”. Kurti shtoi: “Llogaritni në neve jo vetëm në punën që bëjmë, por edhe në bashkëpunimin që do të bëjmë”.

Prezantimi si garant i stabilitetit institucional, paralelisht me ofertën e bashkëpunimit, shfaq Kurtin në pozicion të fortë negociues për formimin e qeverisë së ardhshme — megjithëse numri përfundimtar i mandateve mbetet në pritje të rezultateve zyrtare.

Burim: Zëri
— Redaksia ZHURMA