Pse iu drejtua Kurti qytetarëve në orët e fundit të votimit?

PRISHTINË — Kryeministri në detyrë i Kosovës, Albin Kurti, ka bërë thirrje për pjesëmarrje sa më të madhe në votime përmes një videomesazhi të publikuar në Facebook në ditën e zgjedhjeve. Ai u drejtua qytetarëve që ende nuk kishin votuar, duke i ftuar të shfrytëzonin kohën e mbetur deri në mbylljen e vendvotimeve.

"Kanë mbetur më pak se tri orë kohë për të votuar. Të gjithë ju që ende nuk keni votuar, ju lutem ta bëni një gjë të tillë. Për pak minuta vendosim për zhvillim, siguri e stabilitet për vendin tonë", ka thënë Kurti. Ai i inkurajoi edhe ata që kishin votuar t'i shtynin familjarët, miqtë dhe të afërmit të merrnin pjesë.

Kurti rikujtoi gjithashtu mundësinë e votimit me kusht për qytetarët që ndodhen në komuna të tjera për shkak të angazhimeve. "Sa më e gjerë vendimmarrja, aq më e fortë demokracia dhe Republika jonë", theksoi ai, duke përsëritur: "Dil dhe voto, pak kohë ka mbetur, mos e lër për në fund".

Burim: Zëri
— Redaksia ZHURMA