Kush u emërua kryetar i Komunës së Bërvenicës?
Robert Millosheski u zgjodh me shumicë votash si ushtrues detyre i kryetarit
— TETOVA — Këshilli i Komunës së Bërvenicës mbajti një seancë të jashtëzakonshme, në të cilën mori vendime për vazhdimin e funksionimit të institucionit. Me shumicë votash, bazuar në Ligjin për Vetëqeverisje Lokale, këshilltarët emëruan kryetarin e deritanishëm të Këshillit, Robert Millosheski, si ushtrues detyre i kryetarit të Komunës së Bërvenicës.
Ai do ta drejtojë komunën deri në shpalljen dhe mbajtjen e zgjedhjeve të jashtëzakonshme lokale për zgjedhjen e kryetarit të ri. Për shkak të funksionit të ri, Millosheskit i pezullohet ushtrimi i detyrës si kryetar i Këshillit.
Në të njëjtën seancë, Këshilli zgjodhi këshilltarin Mirosllav Dailovski për kryetar të ri të Këshillit të Komunës së Bërvenicës. Nga Komuna theksojnë se institucioni do të vazhdojë normalisht punën, duke garantuar vazhdimësinë e shërbimeve për qytetarët dhe realizimin e projekteve në interes të banorëve.
Burim: Tetova Sot, https://tetovasot.com/2026/07/robert-millosheski-emerohet-ushtrues-detyre-i-kryetarit-te-komunes-se-bervenices/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.