Pse kritikohet Qeveria Kurti për transmetimin e Botërorit?

Kryetari i Aleancës për Ardhmërinë e Kosovës, Ardian Gjini, kritikoi asprisht Qeverinë Kurti lidhur me mënyrën e transmetimit të Kampionatit Botëror të futbollit, duke pretenduar se qytetarët po përballen me pagesa të dyfishta për të ndjekur ndeshjet, transmeton Gazeta Metro. Në një intervistë në emisionin “Codex” në ATV, Gjini tha se financimi publik për transmetuesin shtetëror dhe kërkesa për pagesa shtesë për shikimin e Botërorit paraqesin një situatë të pazakontë. “Kurrë në jetë nuk ka ndodh që buxhetin e transmetuesit publik me e pagu na, me dhjeta miliona euro, në të njëjtën kohë kur të vjen kampionati i futbollit me t`i lyp paret edhe një herë për me pa botërorin. Kurrë nuk ka ndodhur në histori të Kosovës kështu. Kjo po ndodh prej një qeveri qe i thotë vetes e majtë”, deklaroi Gjini. Ai ka ironizuar gjithashtu situatën, duke thënë se disa qytetarë kanë nisur të kërkojnë mënyra alternative për të ndjekur garën sportive, madje duke u përballur edhe me përmbajtje në gjuhë të huaja. “Ja ka nis njerëzit me mesu arabisht, me falni në shprehje që po them kështu. Nuk është keq me e mesu edhe një gjuhë të huajë, por puna është se me të vërtetë është brutalitet”, tha ai.

Burim: Gazeta Metro — Redaksia ZHURMA