Si u hap pas katër vitesh konkursi për Kryeprokuror?
Këshilli Prokurorial vendosi të hapë aplikimet më 20 maj, pas katër vitesh vonesë dhe debate për ndikim politik.
PRISHTINË — Këshilli Prokurorial i Kosovës (KPK) ka vendosur me 5 vota pro, 1 kundër dhe asnjë abstenim të shpallë konkursin për Kryeprokuror të Shtetit. Anëtari Milot Krasniqi ka qenë i vetmi që ka votuar kundër.
Kryesuesi i KPK-së, Arian Gashi, njoftoi se afati për aplikim do të jetë 15 ditë, ndërsa konkursi do të shpallet më 20 maj. Vendimi vjen pas katër vitesh pritje për mbushjen e kësaj pozite.
Kritika brenda KPK-së dolën hapur. Milot Krasniqi kundërshtoi ndikimin e jashtëm në momentin e shpalljes: Kush është president, kush është kryeministri e kush janë deputetët me na tregu kur me shpall konkursin… mos i lejojmë të tjerët të na përzihen, tha ai. Anëtari tjetër Visar Krasniqi e quajti të pakuptimtë pritjen pas katër vjetësh: Dikush duhet të jetë emocional kur diskutohet kjo pikë. Unë mendoj që jemi shumë vonë… Sot është obligim me përmbush mandatin e vet kushtetues dhe ligjor.
Burim: Koha.net
— Redaksia ZHURMA