Kosovë dhe Izmir synojnë bashkëpunim të fuqishëm ekonomik

Kryetari i Odës Ekonomike të Kosovës, Lulzim Rafuna, ka pritur në takim kryetarin e qytetit të Izmirit, Dr. Cemil Tugay, ku është diskutuar për mundësitë e zgjerimit të bashkëpunimit ekonomik ndërmjet Kosovës dhe këtij metropoli turk me rreth 4.5 milionë banorë.

Gjatë takimit është veçuar interesi i kompanive nga Izmiri për të bashkëpunuar me bizneset kosovare, në fusha si prodhimi, industria e çelikut, tekstili dhe makineritë bujqësore. Në kuadër të këtij bashkëpunimi pritet të organizohet një mision ekonomik i bizneseve nga Izmiri në Kosovë, që do të përfshijë takime B2B, vizita në kompani prodhuese dhe prezantim të mundësive për tregti, investime e partneritete të reja.

Oda Ekonomike e Kosovës ka theksuar përkushtimin e saj në krijimin e urave të reja të bashkëpunimit dhe në promovimin e vendit si destinacion për investime dhe partneritete ndërkombëtare.

Burimet: Epoka e Re (klaster 1 outlets).