Korado Gështënja arrestohet në Londër, e kërkonte SPAK për rrëmbimin e Jan Prengës
I dyshuari për rrëmbimin e Jan Prengës u kap në Britaninë e Madhe, ku përdorte identitete të rreme.
Redaksia ZHURMA · · 1 min lexim
Autoritetet britanike arrestuan në Londër Korado Gështënjën, i cili ishte shpallur në kërkim nga SPAK për rrëmbimin dhe zhdukjen e Jan Prengës. Arrestimi u bë më shumë se gjashtë vjet pas ngjarjes së 17 janarit 2020, në kuadër të bashkëpunimit mes Interpol Tiranës, Byrosë Kombëtare të Hetimit dhe National Crime Agency.
Gështënja, 35 vjeç, dyshohet se përdorte identitete të rreme gjatë qëndrimit në Angli, duke përfshirë mbiemrin Kështenja dhe identitetin James Martin. Ai u arrestua për t'u dorëzuar tek autoritetet shqiptare, pas një urdhër-arresti të miratuar nga Gjykata e Posaçme.
Akuzat ndaj tij në procesin britanik përfshijnë privimin e paligjshëm të lirisë së Jan Prengës dhe komplot për trafikimin e drogave të Kategorisë A, përfshirë kokainën nga Ekuadori. Gështënja mbahet aktualisht në paraburgim në Londër, ndërsa pritet të vijojnë procedurat për ekstradimin e tij drejt Shqipërisë.
