Si u dhanë 7 kontrata rrugore pa leje ndërtimore?
ZKA gjen «praktikë të përsëritur» të shkeljes ligjore në Ministrinë e Infrastrukturës, ndërsa 111 persona humbën jetën në rrugët e Kosovës gjatë 2025.
PRISHTINË — Shtatë kontrata me vlerë të konsiderueshme financiare për ndërtim, rehabilitim e rikonstruim të rrugëve rajonale dhe nacionale u nënshkruan gjatë vitit 2025 pa u pajisur paraprakisht me leje ndërtimore, sipas raportit të fundit të Zyrës Kombëtare të Auditimit (ZKA) për Ministrinë e Infrastrukturës.
ZKA e quan këtë «praktikë të përsëritur të fillimit të projekteve pa plotësimin e kushteve ligjore të nevojshme». Sipas Ligjit për Ndërtim, Ministria e Mjedisit dhe Planifikimit Hapësinor është kompetente për dhënien e lejeve ndërtimore për rrugët shtetërore të rendit të parë e të dytë.
Konteksti është i rëndë: gjatë vitit 2025, statistikat e Policisë tregojnë 24,150 aksidente rrugore dhe 111 persona humbën jetën në rrugët e Kosovës. Mirëmbajtja e autostradave ka qenë problematikë e theksuar — në «Ibrahim Rugova» rrëshqitjet e dheut, të pasananuara për vite, kanë shkaktuar aksidente fatale.
Pavarësisht gjetjeve të ZKA-së dhe numrit të viktimave, organet shtetërore gishtin e kanë drejtuar kah vozitësit, duke i ikur përgjegjësisë për neglizhencën institucionale në mirëmbajtjen e autoudhëve. Auditori ia tregoi ministrisë shkeljet — fatura e vërtetë mbetet e papaguar.
Burim: Vox Kosova
— Redaksia ZHURMA
