Pse Komuna e Pejës shpenzon 18.585 euro për laptopë të rinj?

PEJË — Komuna e Pejës do të blejë 40 laptopë përmes një tenderi me vlerë 18.585 euro, sipas njoftimit të Gazeta Metro. Kryetari Gazmend Muhaxheri ka vendosur të shpenzojë këtë shumé nga buxheti komunal për furnizimin e asambleistëve me pajisje të reja.

Sipas dokumentave të tenderit, 35 nga laptopët janë standarde për punë administrative: procesor Intel Core i5 të gjeneratës së 12-të ose ekuivalent, 8 GB RAM, 256 GB SSD, ekran 15.6 inç Full HD dhe garanci minimale 12 muaj. Përveç tyre, komuna ka kërkuar dy laptopë të avancuar “business/performance” me procesor Intel Core i7 të gjeneratës së fundit (deri 16 bërthama), 32 GB RAM, 1 TB SSD, kartelë grafike të dedikuar 6 GB, Windows 11 Pro, sensor gjurmësh ose kamerë IR për siguri, si dhe çantë dhe maus. Tre laptopë të tjera kanë procesor Core i5 të gjeneratës së 13-të, 16 GB RAM dhe 512 GB SSD, të përshtatshme për multimedia dhe aplikacione grafike bazike deri mesatare.

Kontrata u dhënë më 18 qershor pas një procedure ku morën pjesë katër operatorë ekonomikë. Përbërja e porosisë përfshin kështu 35 pajisje standarde, dy modele me performancë të lartë dhe tre modele mesatare, të gjitha me specifika të detajuara në tender.

Burim: Gazeta Metro
— Redaksia ZHURMA