Gjendja Civile në Fushë Kosovë hapet edhe të shtunave
Gjendja Civile do të jetë e hapur çdo të shtunë nga ora 08:00 deri në 12:00
FUSHË KOSOVË — Sektori i Gjendjes Civile në Komunën e Fushë Kosovës do të ofrojë shërbime edhe gjatë ditëve të shtuna, me qëllim lehtësimin e qasjes së qytetarëve gjatë sezonit veror. Vendimi është marrë nga kryetari i komunës Valon Prebreza.
Sipas njoftimit të Komunës së Fushë Kosovës, Gjendja Civile do të jetë e hapur çdo të shtunë, nga ora 08:00 deri në 12:00, duke u mundësuar qytetarëve që të kryejnë procedurat e nevojshme edhe jashtë orarit të zakonshëm të punës.
Komuna ka bërë të ditur se ky vendim synon të rrisë efikasitetin e shërbimeve publike dhe të ofrojë një qasje më të lehtë e më të shpejtë për qytetarët gjatë muajve të verës. Burim: Lajmi.net, https://lajmi.net/komuna-e-fushe-kosoves-lehteson-sherbimet-per-qytetaret-gjendja-civile-hapet-edhe-te-shtunave/
— Redaksia ZHURMA