Gostivari rikthen ujësjellësin — Komiteti drejtues miraton sot planin

SHKUP — Komiteti drejtues për gjendje krizash do të mbajë sot një seancë për rikthimin e ujësjellësit të Gostivarit, njoftuan kryeministri Hristian Mickoski dhe ministri i Shëndetësisë, Sasho Klekovski. Kryeministri Mickoski theksoi se prioritet është sigurimi i furnizimit normal me ujë, pasi siç tha ai, institucionet shtetërore kanë ndërmarrë aktivitetet për tejkalimin e kësaj gjendjeje.

Ministri Klekovski informoi se në seancë do të shqyrtohen dhe miratohen planet profesionale për rikthimin e ujësjellësit në përdorim. Konsiderojmë se gjendja shëndetësore tashmë është plotësisht nën kontroll dhe epidemia po qetësohet, prandaj tani fokusi është në rikthimin në funksion të ujësjellësit të Gostivarit.

Sa i përket planit, ekipet nga Gostivari po punojnë në përgatitjen e tij dhe për momentin nuk do të mund ta paraqisja. Në orën 12:00 ai do t’i prezantohet Komitetit drejtues. Kjo është punë profesionale e ekspertëve përkatës për furnizim me ujë.

Duke iu referuar shkaqeve të krijimit të kësaj gjendjeje, ai rikujtoi se përgjegjësia për cilësinë e ujit është te ndërmarrja publike komunale. Ai shtoi se Qendra për Shëndet Publik – Tetovë, përmes njësisë së saj rajonale në Gostivar, ka fituar prokurimin për kryerjen e kontrolleve.

Prokuroria po vepron për përcaktimin e përgjegjësisë, theksoi kryeministri Mickoski. Tre persona janë identifikuar në këtë drejtim. Sa di unë, janë caktuar masa sigurie, kështu që institucionet reaguan në afatin më të shkurtër të mundshëm.

Analizat e ujit në Gostivar tregojnë përmirësim në katër pika, ndërsa Epidemia e ujit në Gostivar bie — 190 pacientë sot nga 290 dje. Perinski merr drejtimin e Fondit për Sigurim Shëndetësor pas largimit të Klekovskit.

Burim: Tetova Sot, https://tetovasot.com/2026/07/komiteti-drejtues-sot-do-te-vendose-per-rikthimin-ne-funksion-te-ujesjellesit-te-gostivarit/

— Redaksia ZHURMA