Dinamo pëson humbjen e dytë radhazi ndaj Teutës në Superiore
Skuadra e drejtuar nga Ilir Daja u mposht me rezultatin 0-2 në javën e shtatë të Abissnet Superiore.
Redaksia ZHURMA · · 1 min lexim
Dinamo u mposht me rezultatin 0-2 nga Teuta në javën e shtatë të Abissnet Superiore. Teuta triumfoi ndaj dinamovitëve si me gola ashtu edhe me lojën e zhvilluar, duke regjistruar katër goditje në kuadrat kundrejt dy të tilla nga Dinamo. Në ndeshjen e kaluar kundër Vllaznisë, skuadra kryeqytetase e kishte gjetur vetëm një herë kuadratin kundërshtar. Në dy takimet e fundit, ekipi i Ilir Dajës nuk ka shënuar dhe ka krijuar pak raste.
Pas paraqitjeve në Conference League, skuadra ka shfaqur probleme në çdo drejtim. Megjithatë, trajneri Ilir Daja nuk e bëri dramë humbjen e dytë radhazi në kampionat, duke mos e dramatizuar situatën dhe duke u shprehur me optimizëm pas disfatës së fundit.
