Pse u ndalua 31-vjeçari që kërcënoi prindërit në Mitrovicë?
Një 31-vjeçar u dërgua në Qendrën e Mbajtjes në Mitrovicë të Jugut, pasi prindërit e tij e denoncuan për dhunë psikike dhe kërcënime me vrasje.
MITROVICË — Një 31-vjeçar me inicialet Sh. U. është ndaluar nga Policia në Mitrovicë të Jugut, pasi dyshohet se ka kërcënuar prindërit e tij me vrasje. Prindërit e tij, një çift bashkëshortor, kërkuan ndihmën e Policisë pasi djali i tyre ka ushtruar vazhdimisht dhunë psikike ndaj tyre.
Sipas denoncimit, situata e tensionuar ka kulmuar kur i dyshuari dyshohet se u është drejtuar prindërve me fjalët kërcënuese "Kam me ju vra". Pas raportimit të rastit, Policia ka ndërmarrë veprimet hetimore dhe ka intervistuar të dyshuarin për të zbardhur rrethanat e ngjarjes.
Me vendim të prokurorit kujdestar, i dyshuari është dërguar në Qendrën e Mbajtjes, ndërsa rasti është iniciuar si "Dhunë në familje – Kanosje". Hetimet për zbardhjen e plotë të rastit janë duke vazhduar nga autoritetet.
Burim: Insajderi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.