Këmbësor humbet jetën nga përplasja me automjet në Durrës

DURRËS — Një këmbësor humbi jetën mbrëmjen e sotme pasi u përplas nga një automjet në lagjen nr. 15 të Durrësit. Aksidenti ndodhi rreth orës 21:45, sipas njoftimit të Policisë.

Viktima, shtetasi me iniciale Xh. Zh., ndërroi jetë si pasojë e plagëve të marra nga përplasja. Mjeti drejtohej nga shtetasi me iniciale D. N., i cili pas aksidentit u shoqërua në Komisariatin e Policisë për kryerjen e veprimeve të mëtejshme procedurale.

Në vendngjarje ndodhet grupi hetimor, i cili nën drejtimin e Prokurorisë po punon për dokumentimin e plotë të rrethanave të aksidentit dhe përcaktimin e shkakut të tij.

Burim: Report Tv
— Redaksia ZHURMA