Keanu Reeves rikthehet në rolin e John Wick për një videolojë të re
Aktori i njohur do t'i japë zërin dhe pamjen e tij personazhit në një projekt të ri nga Saber Interactive, ndërsa vazhdon puna edhe për filmin e pestë.
Redaksia ZHURMA · · 1 min lexim
Aktori Keanu Reeves do të rikthehet te roli i tij i famshëm përmes një videoloje të re me buxhet të lartë, e cila po zhvillohet nga studioja Saber Interactive. Ai do t'i japë personazhit zërin dhe pamjen e tij, ndërsa në këtë projekt po merr pjesë edhe regjisori Chad Stahelski.
Loja do të jetë e zhanrit aksion me një lojtar dhe do të zhvillohet nga perspektiva e personit të tretë. Ngjarjet do të paraqesin një periudhë disa vite para filmit të parë të vitit 2014, duke sjellë në qendër një version më të ri të vrasësit me pagesë. Zhvilluesit bëjnë me dije se stili i luftimit do të jetë më i ashpër dhe instinktiv, ndërsa projekti është punuar për PlayStation 5, Xbox Series X/S dhe kompjuterë, pa pasur ende një datë zyrtare të publikimit.
Përveç lojës, kompania Lionsgate ka konfirmuar tashmë edhe zhvillimin e filmit të pestë të sagës, ku Reeves pritet të jetë sërish në rolin kryesor. Përtej katër filmave origjinalë, eksperienca e kësaj serie u zgjerua ndër vite edhe me produksione të tjera si seriali „The Continental“ dhe filmi „Ballerina“.
