Chris Rock: Nuk isha bashkëshort i mirë, shikoja shumë pornografi

Në një intervistë për revistën «GQ», komediani Chris Rock ka trajtuar arsyet e dështimit të martesës me Malaak Compton-Rock, duke pranuar hapur se nuk ka qenë një bashkëshort i mirë dhe se sjelljet e tij ndikuan drejtpërdrejt në prishjen e lidhjes. Duke reflektuar mbi veprimet e kaluara, aktori u shpreh: «Nuk isha një bashkëshort i mirë. Shikoja shumë pornografi. Nuk shikoj më. Kanë kaluar pesë apo gjashtë vjet».

Përveç këtij zakoni, nga i cili thotë se është shkëputur prej vitesh, ai ka pranuar më parë edhe pabesinë gjatë martesës, duke shtuar se nuk ndjehet krenar për atë periudhë. Sjelljen e tij të mëparshme komediani e ka krahasuar me personazhet e Marvelit që tentojnë të kuptojnë kufijtë pasi fitojnë fuqi, ndërsa theksoi se kjo nuk përbënte të vetmen arsye të ndarjes.

Çifti ishte i martuar për tetëmbëdhjetë vjet, ndërsa vendimin për t'u ndarë e morën në vitin 2014, kurse shkurorëzimi u përmbyll zyrtarisht dy vite më vonë. Nga kjo martesë ata kanë dy vajza, Lola Simon dhe Zahra Savannah.