Katër të rinj arrestohen në Tetovë e Gostivar
Mes të arrestuarve janë dy 18-vjeçarë që u përleshën fizikisht dhe një i ri që shkaktoi aksident pa patentë shoferi.
TETOVË — Policia në Tetovë dhe Gostivar ka arrestuar katër të rinj gjatë një nate të ngarkuar me incidente të ndryshme. Të gjithë të dyshuarit u prangosën gjatë orëve të natës pas ndërhyrjes së forcave të rendit.
Sipas mediave Almakos dhe Tetova Sot, në Tetovë u prangos një 20-vjeçar me inicialet S.J., pasi iu gjet marihuanë. Ndërsa në Çajlë të Gostivarit u arrestua R.Z., 19 vjeç, i cili drejtonte një moped pa patentë shoferi pas një aksidenti.
Po ashtu, në Gostivar u arrestuan O.A. nga Bogovina dhe Z.J. nga Gostivari, të dy të moshës 18-vjeçare, të cilët u përleshën fizikisht. Policia konfirmoi se ndaj të gjithëve do të ngrihen parashtresat përkatëse.
Burim: Almakos
— Redaksia ZHURMA
