Karriera e bujshme e Xhevat Prekazit te Partizani dhe Galatasaray
Ndahet nga jeta ish-futbollisti i njohur Xhevat Prekazi, duke lënë pas një histori të pasur suksesi në futbollin e ish-Jugosllavisë dhe Turqisë.
Redaksia ZHURMA · · 1 min lexim
Xhevat Prekazi ka lënë pas një karrierë të gjerë sportive në disa prej skuadrave më të njohura të kohës, pasi fillimet i pati te klubi lokal Remont në Mitrovicë. Në vitin 1974 iu bashkua akademisë së Partizanit të Beogradit, ku pas dy vitesh debutoi me ekipin e parë dhe fitoi tri tituj kampionësh të ish-Jugosllavisë duke shënuar 19 gola përgjatë shtatë viteve. Më pas ai luajti për Hajdukun e Splitit, ku fitoi Kupën e ish-Jugosllavisë, si dhe provoi një eksperiencë në Shtetet e Bashkuara të Amerikës te Baltimore Blast.
Periudha më e suksesshme ndërkombëtare e tij u zhvillua te Galatasaray, ku gjatë gjashtë sezoneve u shpall dy herë kampion i Turqisë, për të vazhduar më pas te Altay dhe Bakirkoyspor para se ta mbyllte karrierën te Trudbeniku në vitin 1991. Pas tërheqjes nga fusha e blertë, ai punoi si trajner duke drejtuar Zeleznikun dhe grupmoshat e reja të OFK Beogradit, Sindjelicit dhe Partizanit, ndërsa në vitin 2023 kishte përballuar me sukses një goditje në tru.
Lexo edhe
Më shumë →Kjo histori — 3 zhvillime
- 8 nëntor Ndërron jetë legjenda e futbollit, Xhevat Prekazi
- 9 nëntor Galatasaray për vdekjen e Xhevat Prekazit: Nuk do të harrojmë kurrë
- 9 nëntor Karriera e bujshme e Xhevat Prekazit te Partizani dhe Galatasaray · ky artikull
