Dështon Komisioni i Reformës Zgjedhore pas largimit të opozitës
Mbledhja e Komisionit për Reformën Zgjedhore dështoi pas mosmarrëveshjeve për rendin e ditës dhe largimit të përfaqësuesve të opozitës.
Redaksia ZHURMA · · 1 min lexim
Ka dështuar mbledhja e Komisionit për Reformën Zgjedhore, pasi palët nuk arritën marrëveshje për ndryshimin e rendit të ditës. Bashkëkryetari demokrat Oerd Bylykbashi, në emër të Partisë Demokratike, kërkoi që fokusimi të jetë tek adresimi i rekomandimeve të OSBE-ODIHR.
Bylykbashi deklaroi: «Kërkoj zëvendësimin e saj me çështjen prioritare të rekomandimeve të ODIHR për “garantimin e fushës së barabartë të garës duke ndarë shtetin nga partia dhe ndalimin e abuzimit me pushtetin shtetëror në zgjedhje”». Ai shtoi se kjo çështje është diskutuar në muajt qershor-korrik dhe duhet përfunduar para zgjedhjeve të 9 majit 2027.
Partia Demokratike propozon sistem proporcional kombëtar me lista 100 për qind të hapura, si dhe listat e këshillit bashkiak 100 për qind të hapura. Pasi u largua opozita, pak minuta më pas nga sallë u larguan edhe anëtarët e Partisë Socialiste.
