Kanosje në Ministrinë e Ekonomisë, Policia shoqëron një person

Një rast i kanosjes është raportuar në objektin e Ministrisë së Ekonomisë në Prishtinë, ku pas reagimit të njësitit policor është shoqëruar një person në stacion. Zëdhënësi i Policisë së Kosovës, Enis Pllana, ka bërë të ditur se informata është pranuar rreth orës 12:00, ndërsa hetuesit po ndërmarrin veprimet e nevojshme për sqarimin e plotë të rrethanave.

Sipas informacioneve të siguruara nga terreni, personi i dyshuar është duke u intervistuar nga hetuesit policorë. Rasti më herët është lidhur me një kërcënim me armë ndaj një zyrtari të kësaj ministrie.