Faruza Kallaba: Bija e Roganës që fluturoi në misionet e NATO-s

Faruza Kallaba është pilote nga Rogana e Kamenicës e cila u bë pjesë e misioneve ajrore të NATO-s gjatë luftës së Kosovës më 1999, duke fluturuar në rreth 30 misione. Sipas RajoniPress, ajo u lind më 3 nëntor 1956 në Damask të Sirisë, ndërsa babai i saj, Haki Kallaba, ishte me prejardhje nga Rogana e Kamenicës dhe nëna e saj kishte origjinë ukrainase.

Sipas të dhënave nga RajoniPress, familja e saj u vendos në Çikago të Shteteve të Bashkuara të Amerikës në vitin 1959. Rrugëtimi i saj profesional shënoi disa arritje të rëndësishme në aviacionin ushtarak amerikan, duke u bërë në vitin 1979 gruaja e parë që iu bashkua Gardës Kombëtare Ajrore të Illinoisit. Më pas, në vitin 1984, ajo arriti një tjetër sukses duke u bërë gruaja e parë pjesë e ekuipazhit të fluturimit në këtë njësi ushtarake, ndërsa në vitin 1989 u diplomua në Akademinë Ushtarake pranë Universitetit të Illinois-it.

Sipas RajoniPress, gjatë karrierës së saj në aviacionin ushtarak amerikan, ajo regjistroi mbi 4 mijë orë fluturimi në mbarë botën. Gjatë fushatës ajrore të NATO-s kundër forcave serbe më 1999, ajo ishte e stacionuar në Francë dhe doli vullnetare për t'i bashkuar operacionit, e motivuar nga prejardhja shqiptare e babait të saj dhe lidhja e saj me Kosovën.

Në kuadër të këtyre operacioneve, sipas RajoniPress, ajo pilotojë avionë cisternë KC-135 Stratotanker për furnizimin me karburant në ajër të avionëve luftarakë të NATO-s në më shumë se 30 misione ajrore. Pas përfundimit të luftës, ajo vizitoi Kosovën dhe dhuroi uniformën e saj ushtarake, e cila ruhet në Muzeun Kombëtar të Kosovës si dëshmi e angazhimit të saj profesional dhe lidhjes ndërmjet diasporës shqiptare dhe vendit.