Kallas: Shqipëria ka hapur të gjithë grupkapitujt në më pak se një vit

Përfaqësuesja e Lartë e Bashkimit Evropian për Politikën e Jashtme dhe Sigurinë, Kaja Kallas, ka deklaruar se Shqipëria ka shënuar progres të dukshëm duke hapur të gjithë grupkapitujt e negociatave në pak më shumë se një vit. Gjatë prezantimit të raportit vjetor të Komisionit Evropian për Zgjerimin, ajo e renditi vendin tonë mes katër shteteve më të avancuara në rrugën drejt anëtarësimit, së bashku me Malin e Zi, Moldavinë dhe Ukrainën, duke theksuar se detyra kryesore mbetet ruajtja e ritmit dhe përshpejtimi i reformave.

Sipas Kallas, Mali i Zi është vendi më pranë vijës së finishit me synim nënshkrimin e traktatit të anëtarësimit deri në verën e ardhshme, ndërsa Moldavia dhe Ukraina po avancojnë pavarësisht sfidave të mëdha të sigurisë dhe luftës. Raporti i këtij viti përfshin për herë të parë një seksion të posaçëm për Sigurinë dhe Mbrojtjen, duke pasqyruar përkeqësimin e situatës në Evropë pas agresionit rus kundër Ukrainës dhe rritjen e akteve të sabotimit në zonën gri.

Në lidhje me procesin e deritanishëm, siç raportoi Zhurma më 24 tetor 2026, dymbëdhjetë eurodeputetë i kërkuan më parë Kaja Kallas sqarime dhe hetim për veprimet e policisë ndaj protestuesve dhe gazetarëve gjatë tubimeve në Shqipëri.