Pse Jürgen Klopp rikthehet në stol si selektor i Gjermanisë?
Trajneri gjerman pranoi ofertën për të udhëhequr 'Panzerët', sipas raportimit të Fabrizio Romano.
— Jürgen Klopp pritet të emërohet zyrtarisht si selektori i ri i përfaqësueses së Gjermanisë pasi ka pranuar ofertën për të marrë drejtimin e kombëtares. Sipas raportimit të gazetarit Fabrizio Romano, marrëveshja është arritur dhe aktualisht po finalizohen detajet e kontratës afatgjatë dhe projekti sportiv.
Ish-trajneri i Borussia Dortmundit dhe Liverpoolit rikthehet kështu në pankinë pas një periudhe jashtë futbollit të përditshëm. Për të realizuar këtë kalim, Klopp po procedon me largimin e tij nga Red Bull Group, duke marrë përsipër një nga detyrat më të rëndësishme në futbollin ndërkombëtar.
Ky emërim synon të nisë një epokë të re për Gjermaninë, me qëllimin që "Panzerët" të rikthehen mes pretendentëve kryesorë për trofetë më të mëdhenj. Njoftimi zyrtar do të bëhet publik sapo të përfundojnë procedurat e fundit administrative dhe kontraktuale.
Burim: Insajderi
— Redaksia ZHURMA