Si i përgjigjet Jasharaj Kurtit për inatin personal?
Kreu i SBASHK-ut i kundërpërgjigjet kryeministrit në detyrë, duke e akuzuar për qasje armiqësore ndaj sindikatës së arsimit.
PRISHTINË — Kryeministri në detyrë Albin Kurti ka kritikuar mbrëmë në një intervistë kreun e SBASHK-ut, Rrahman Jasharaj, duke thënë se ka mbi 20 vjet në krye të sindikatës dhe se koha e ka tejkaluar udhëheqjen aktuale. Sipas Kurtit, ndër vite kanë ndryshuar sistemi arsimor, prindërit, nxënësit dhe mësimdhënësit, derisa SBASHK-u ka mbetur pa reforma në udhëheqje.
Jasharaj i është kundërpërgjigjur deklaratave të Kurtit për “Front Online”, duke i akuzuar Qeverinë për qasje të gabuar dhe armiqësore ndaj sindikatës së arsimit. “Qeveria Kurti dhe vetë Kurti kanë pas qasje të gabuar dhe armiqësore ndaj SBASHK-ut”, tha ai, duke shtuar se pretendimet se “koha e ka shkelur” nuk qëndrojnë, pasi është zgjedhur nga pjesa dërmuese e punëtorëve të arsimit.
Ai e cilësoi çështjen personale, duke thënë se Kurti ka pritur që ai të ndryshojë qëndrimet e SBASHK-ut. “I ka mbet syri te SBASHK-u se ka kujtuar që do të nënshtrohemi ndaj tij”, u shpreh Jasharaj.
Burim: Zëri
— Redaksia ZHURMA