Japonia proteston ndaj Rusisë për testimin e raketave pranë ishujve të diskutueshëm

Japonia ka protestuar pranë Rusisë pasi u informua se Moska planifikonte të kryente testime raketash në ujërat pranë ishujve të diskutueshëm, të cilët këtë muaj u vizituan nga presidenti rus, Vladimir Putin.

Një zëdhënës i qeverisë japoneze deklaroi se është paraqitur një protestë në përgjigje të njoftimit për planin për të kryer një testim rakete në brigjet e ishujve Kurile, të cilët Japonia i quan ‘Territoret Veriore’.

Agjencia japoneze e lajmeve Kyodo, duke cituar Flotën Ruse të Paqësorit, raportoi se Rusia kishte kryer tashmë një lëshim testues të raketës, ndërsa marina ruse bëri të ditur se testimi u krye nga një njësi e pajisur me sistemin e raketave bregdetare “Bastion”. Në manovër u angazhuan kryqëzori “Varyag” dhe nëndetësja bërthamore “Omsk”. Sipas Flotës Ruse të Paqësorit, testimi simulonte një sulm ndaj anijeve armike dhe objektivat e përcaktuara u goditën me sukses në një distancë prej të paktën 300 kilometrash.

Burimet: ATSH (klaster 1 outlets).