Izraeli paralajmëron SHBA-në dhe vendet e Gjirit për rrezikun e armëve kimike iraniane

Izraeli ka përcjellë një paralajmërim për Shtetet e Bashkuara të Amerikës dhe vendet e Gjirit Persik, duke pretenduar se Teherani po zhvillon teknologji për të transportuar dhe lëshuar armë kimike përmes raketave ose në mënyrë të fshehtë. Sipas vlerësimeve të zyrtarëve izraelitë, ky rrezik është më urgjent sesa ai bërthamor, ndërsa Uashingtoni është vënë në dijeni për këto të dhëna të inteligjencës.

Në Shtetet e Bashkuara, disa zyrtarë shprehin dyshime dhe ngrenë shqetësimin se kryeministri izraelit Benjamin Netanyahu mund t'i përdorë këto informacione për të nxitur një përballje të re midis Donald Trumpit dhe Republikës Islamike. Nga ana tjetër, vendet e Gjirit kanë mbajtur qëndrime të ndryshme: disa i kanë cilësuar informacionet si të parëndësishme, kurse zyrtarë të tjerë po i trajtojnë me seriozitet paralajmërimet për kërcënimet iraniane.