Astronautët amerikanë votojnë nga Stacioni Ndërkombëtar Hapësinor

Tre astronautë amerikanë në bordin e Stacionit Ndërkombëtar Hapësinor (ISS) kanë votuar në zgjedhjet e mesmandatit në Shtetet e Bashkuara, duke shfrytëzuar mundësinë që agjencia hapësinore u ofron ekuipazheve që prej vitit 1997. Anëtarët e ekuipazhit plotësuan formularët elektronikë përmes kompjuterëve të tyre, ndërsa fletëvotimet e enkriptuara u dërguan në mënyrë të sigurt te autoritetet përkatëse zgjedhore në Tokë.

Astronauti Anil Menon ndau pamje nga dhoma e tij në bordin e stacionit, e cila shërbeu si kabinë votimi, duke treguar edhe ngjitësen me mbishkrimin se kishte votuar. «Po, mund të votosh edhe nga hapësira! Të tre anëtarët amerikanë të ekuipazhit patën privilegjin të votojnë nga stacioni hapësinor», shkroi ai në platformën X, ndërkohë që në zgjedhjet për Kongresin amerikan janë në garë të gjitha vendet e Dhomës së Përfaqësuesve dhe një e treta e vendeve në Senat.