Bytyqi: Hyrja e Alta Bankës në Maqedoninë e Veriut ngre dyshime për kapital koroziv

Deputeti i LSDM-së, Fatmir Bytyqi, ka ngritur dyshime rreth mënyrës së lejimit të hyrjes së Alta Bankës në tregun bankar të Maqedonisë së Veriut, duke kërkuar sqarime nga Qeveria dhe Banka Popullore. Gjatë paraqitjes në emisionin «Debat në Shenja», Bytyqi theksoi se kjo çështje është ngritur nga LSDM-ja prej rreth një viti e gjysmë, ndërsa kërkoi që rasti të analizohet në kuadër të zhvillimeve në Serbi dhe ndikimit të mundshëm politik e financiar në vend.

«Është mirë që po e hapim këtë temë, sepse kjo temë nuk është prej javës së kaluar, pothuajse ka 1 vjet e gjysmë si LSDM që përpiqemi ta nxjerrim në pah», deklaroi Bytyqi, duke shtuar se pronari i bankës në fjalë ka marrë ndalesë në Bankën Qendrore dhe ndodhet në listën e zezë. Sipas tij, bëhet fjalë për hyrje të kapitalit koroziv dhe për një ndikim të mundshëm të lidhur me zhvillimet e fundit në Serbi.

Siç raportoi Zhurma më 7 nëntor 2026, Lidhja Socialdemokrate e Maqedonisë ka kërkuar më parë përfshirjen e Prokurorisë dhe përgjegjësi për këtë çështje, ndërsa institucionet dhe partitë e tjera kanë përplasur qëndrimet rreth kufizimeve financiare dhe funksionimit të kësaj banke në tregun vendor.