Pse ish-koloneli i FSK-së e quan "qesharak" dënimin e Selimit?
Afrim Veseli kërkon seriozitet maksimal për veprat që cenojnë sigurinë kombëtare — çfarë thotë ai për gjashtë vjetët e shqiptuar?
PRISHTINË — Ish-koloneli i Forcës së Sigurisë së Kosovës, Afrim Veseli, ka reaguar ashpër ndaj dënimit me gjashtë vjet burgim të Hysri Selimit për spiunazh, duke e cilësuar vendimin si "të lehtë" dhe "qesharak". Në intervistë për emisionin "Kosova Live" në T7, Veseli shprehu zhgënjim me masën, duke theksuar se Selimi, sipas tij, "ka punuar për shtetin armik".
"A e din gjyqtari çmimin e lirisë?", pyeti Veseli, duke vlerësuar se veprat që cenojnë sigurinë kombëtare dhe interesat e shtetit duhet të trajtohen me seriozitet maksimal. Ai shtoi se dënimi i shqiptuar nuk pasqyron peshën e veprës për të cilën është shpallur fajtor Selimi.
Burim: Gazeta Express
— Redaksia ZHURMA