Irlanda dhe Holanda bojkotojnë Eurovision 2027 ndërsa 36 vende konfirmojnë pjesëmarrjen

Irlanda dhe Holanda kanë njoftuar se do ta bojkotojnë sërish Festivalin Evropian të Këngës në vitin 2027, pasi nuk morën pjesë as në edicionin e kaluar. Unioni Evropian i Transmetuesve njoftoi se të paktën 36 vende do të marrin pjesë në ngjarjen që do të zhvillohet në Bullgari, ndërsa Spanja, Sllovenia dhe Islanda kanë fituar më shumë kohë për të marrë një vendim përfundimtar deri në dhjetor.

Edicioni i 71-të i konkursit do të sjellë debutimin e Kanadasë dhe rikthimin e Maqedonisë së Veriut pas disa vitesh mungesë. Drejtori i ngjarjes, Martin Green, theksoi se konkursi bashkon njerëzit përmes muzikës. Ndërkohë, organizatorët bënë të ditur se këngët e 35 vendeve pjesëmarrëse në edicionin e vitit 2026 arritën afro 600 milionë dëgjime gjatë periudhës janar-gusht, kurse kënga fituese «Bangaranga» e kënduar nga Dara kryesoi renditjen muzikore në 11 vende.