Vazhdo leximin
⌕ ☆
Ekonomi

Institut i Vjenës: Mbi 100 vjet për barazimin e pensioneve në Shqipëri

Pensioni mesatar neto në Shqipëri përbën vetëm 19% të nivelit të Bashkimit Europian sipas fuqisë blerëse.

Redaksia ZHURMA · · 2 min lexim

Pensioni mesatar neto në Shqipëri arriti në vetëm 19% të fuqisë blerëse të pensionit mesatar në Bashkimin Europian gjatë vitit 2025, duke shënuar nivelin më të ulët në Ballkanin Perëndimor. Sipas të dhënave nga Instituti i Vjenës për Studime Ndërkombëtare, me këtë pension mund të bliheshin mallra dhe shërbime të barasvlershme me 260 euro në BE, duke llogaritur standardin e fuqisë blerëse. Shqipëria e ngushtoi hendekun me BE-së me 1,3 pikë përqindjeje krahasuar me vitin paraprak.

Institut i Vjenës: Mbi 100 vjet për barazimin e pensioneve në Shqipëri
Foto: balkanweb.com

Në rajon, Mali i Zi udhëhiqte me 58% të mesatares europiane, ndërsa Maqedonia e Veriut arriti në 52%, Serbia në 44% dhe Bosnja e Hercegovina në 42%. Vetëm Kosova qëndronte afër Shqipërisë me 20% të mesatares së BE-së, ose 272 euro. Sipas Institutit të Vjenës, Shqipërisë, Kosovës dhe Serbisë do t'ju duhen mbi 100 vjet për të arritur nivelin mesatar të pensioneve në Bashkimin Europian.

Në skemën vendase, pesha e pensioneve të pjesshme ka shënuar rritje, ku 55,2% e pensioneve të pleqërisë ishin të pjesshme dhe rreth 354 mijë përfitues morën mesatarisht 13.500 lekë në muaj. Puna e padeklaruar dhe nën-deklarimi i pagave ndikojnë në këtë gjendje, ndërsa INSTAT raportoi se 21,8% e punësimit në biznese ishte informal. Pensioni mesatar mujor i pleqërisë ishte 20.123 lekë në skemën urbane dhe 12.313 lekë në atë rurale, kurse subvencioni buxhetor për skemën e detyrueshme arriti në 10,2 miliardë lekë.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Ferizaj 24 kamera →

Koleksione · të dhëna të verifikuara

Vazhdo me më të lexuarat sot

Si e bëjmë listën

Përditësuar

Pyet Zhurmën
Shërbime, enciklopedi dhe lajme