Çfarë ka ndodhur në Stacionin e Autobusëve të Prishtinës?
Policia ka rrethuar me shirita stacionin dhe ka evakuuar pasagjerët, por natyra e incidentit mbetet ende e panjohur.
PRISHTINË — Incident i dyshuar ka shkaktuar mobilizim të madh policor në Stacionin e Autobusëve të Prishtinës. Sipas pamjeve të siguruara nga IndeksOnline, forca të shumta policore kanë arritur në vendngjarje dhe kanë rrethuar me shirita sigurie të gjithë zonën e stacionit.
Pasagjerëve u është kërkuar të largohen menjëherë nga zona, ndërsa policia ka marrë kontrollin e plotë të hapësirës. Natyra e incidentit dhe shkaqet e tij nuk janë bërë të ditura nga autoritetet deri tani.
IndeksOnline ka kontaktuar Policinë e Kosovës dhe ishte në pritje të informacioneve shtesë lidhur me rastin. Situata mbetet e pasqaruar në momentin e botimit të këtij brifu.
Burim: IndeksOnline
— Redaksia ZHURMA
