Çfarë ndodhi në incidentin me armë në Podujevë?
Katër persona u plagosën, mes tyre edhe një kalimtar i rastit, pas një incidenti me armë zjarri
PRISHTINË — Shoqata "Roja e Kohës" ka organizuar një tubim në qendër të Podujevës, si reagim ndaj incidentit të fundit me armë zjarri, ku katër persona mbetën të plagosur, mes tyre edhe një kalimtar i rastit. Në protestë morën pjesë qytetarë të cilët shprehën shqetësimin për përhapjen e dhunës dhe përdorimin e armëve në hapësira publike, duke kërkuar më shumë siguri dhe masa konkrete nga institucionet.
Organizatorët theksuan se parandalimi i rasteve të tilla kërkon angazhim të përbashkët nga institucionet dhe shoqëria, me qëllim që të shmangen ngjarje të ngjashme në të ardhmen. "Bashkërisht të punojmë dhe veprojmë që të mos ndodh që gjakderdhja të ndodh në rrugët dhe as në familjet tona. Prandaj, stop dhunës, stop gjakderdhjes, stop vrasjeve në Kosovë", u tha gjatë protestës.
Burim: Gazeta Metro — Redaksia ZHURMA