Ibrahimaj: Sportet ujore mundësi për turizmin aktiv dhe ekonominë
Ministrja e Ekonomisë thekson shembullin e CREW SHOP që sjell markën Jobe Watersports për të promovuar sigurinë dhe kulturë të re ujore.
TIRANË — Ministrja e Ekonomisë dhe Inovacionit, Delina Ibrahimaj, shpalli se sportet ujore përfaqësojnë një mundësi për zhvillimin e mëtejshëm të turizmit aktiv, diversifikimin e ofertës dhe krijimin e më shumë vlerë të shtuar për ekonominë shqiptare, duke e cituar shembullin e sipërmarrjes CREW SHOP.
CREW SHOP ka sjellë në tregun shqiptar produktet e Jobe Watersports, një markë të njohur botërore në fushën e sporteve ujore. Ibrahimaj vlerësoi këtë iniciativë si shembull që promovon sigurinë, cilësinë dhe një kulturë të re të sporteve ujore, duke i afruar më shumë qytetarë dhe vizitorë me detin.
Ministrja theksoi se mbështetja e sipërmarrjeve që investojnë në inovacion, cilësi dhe modele të reja biznesi mbetet prioritet për të ndërtuar një ekonomi më konkurruese dhe një Shqipëri me ofertë turistike gjithnjë më të pasur, duke synuar standarde europiane.
Burim: ATSH
— Redaksia ZHURMA