Hysenaj dënohet në Itali me 10 vjet e 15 ditë burg për drogë e armë
Gjykata italiane dha dënimin pas sekuestrimit të 22 kilogramëve kokainë, pesë pistoletave, një silenciatori dhe mbi 200 fishekëve në banesat e tij.
Redaksia ZHURMA · · 1 min lexim
Artur Hysenaj, 47-vjeçar me origjinë nga Shqipëria, është dënuar në Itali me 10 vjet e 15 ditë burg. Vendimi erdhi pas kontrolleve në dy banesat e tij, ku autoritetet gjetën 22 kilogramë kokainë, pesë pistoleta, një silenciator dhe mbi 200 fishekë.
Përveç dënimit me burg, Hysenaj u gjobit me më shumë se 66,000 euro dhe u ndalua të mbajë poste publike për jetë. Sipas hetimit, vlera e drogës në treg tejkalonte 4 milionë euro.
Hetimet e karabinierëve nisën më 20 prill mbi lëvizjet e Hysenajt, i cili ishte i njohur më parë për forcat e rendit. Kontrollet në dy shtëpitë çuan në zbulimin e kokainës dhe arsenalit.
