Edona Podrimja emërohet zëvendësministre e Shëndetësisë

Kryeministri i Kosovës, Albin Kurti, ka emëruar Edona Podrimjën në pozitën e zëvendësministres në Ministrinë e Shëndetësisë. Emërimi është bërë një ditë më parë, ndërsa ajo tashmë do të ushtrojë funksionin e saj të ri në kuadër të këtij dikasteri qeveritar. Edona Podrimja është anëtare e Partisë së Egjiptianëve, e cila drejtohet nga Veton Berisha.

Kryeministri Kurti e ka uruar Podrimjën për marrjen e detyrës së re, duke i dëshiruar suksese në përmbushjen e përgjegjësive, angazhimeve dhe objektivave institucionale që burojnë nga kjo pozitë.